Մատուցվող ծառայություններ

Հաճախորդի կողմից վճարումներ կատարելու պայմանների, եղանակների և ժամկետների մասին

Հաճախորդի կողմից վճարումներ կատարելու պայմանները, եղանակները և ժամկետները սահմանվում են Ընկերության և հաճախորդի միջև կնքված ծառայությունների մատուցման պայմանագրով, ինչպես նաև Ընկերության սակագներով և ներքին կարգերով:

Հաճախորդների հետ կապի իրականացման կարգի և ժամկետների մասին

Հաճախորդների հետ կապն իրականացվում է պայմանագրում նշված հասցեներով, ֆաքսի, էլեկտրոնային կապի միջոցով, ընդ որում էլեկտրոնային կապի միջոցով հանձնարարականների փոխանցումն իրականացվում է հաճախորդի հետ կնքված պայմանագրին կից կոդավորմանը համապատասխան:

Հաճախորդների հետ կնքված պայմանագրերի ժամկետների մասին

Ընկերության կողմից ներդրումային ծառայությունների մատուցման ժամկետը սահմանվում է պայմանագրով:

Կնքված պայմանագրերի դադարեցման դեպքում հաճախորդի միջոցների վերադարձման կարգի մասին

Ներդրումային ծառայությունների մատուցման պայմանագիրը կարող է հաճախորդի կողմից միակողմանիորեն լուծվել` ներդրումային ծառայություններ մատուցող անձին առնվազն 10 օր առաջ տեղեկացնելու պայմանով: Պայմանագիրը լուծելուց հետո` 3 աշխատանքային օրվա ընթացքում, Ընկերությունը պարտավոր է հաճախորդին կամ նրա ներկայացուցչին փոխանցել հաճախորդին պատկանող արժեթղթերն ու դրամական միջոցները: Այս իրավունքը չի կարող սահմանափակվել պայմանագրով:

Արժեթղթերի տեսակները և նրանց հետ կապված ռիսկերը

Հաճախորդներն իրենց միջոցները կարող են ներդնել ՀՀ պետական և կորպորատիվ պարտատոմսերում,ինչպես նաև հասարակ և արտոնյալ բաժնետոմսերում:

Պարտատոմս է  համարվում է այն արժեթուղթը, որը հավաստում են դրա տիրապետողի իրավունքը դրանում նախատեսված ժամկետում պարտատոմս թողարկած անձից ստանալ պարտատոմսի անվանական արժեքը կամ գույքային այլ համարժեք, ինչպես նաև ստանալ անվանական արժեքից տոկոս կամ այլ գույքային իրավունք:

Բաժնետոմս է  համարվում այն արժեթուղթը, որն հավաստում է դրա տիրոջը բաժնետիրական ընկերության շահույթից շահաբաժնի ձևով մաս ստանալու, ընկերության գործերի կառավարմանը մասնակցելու և լուծարումից հետո մնացած գույքից մաս ստանալու իրավունքը:

Հաճախորդն արժեթղթերում ներդրում կատարելիս կարող է առնչվել հետևյալ հնարավոր ռիսկերի հետ`

Տոկոսադրյույքի ռիսկ
Տոկոսադրույքի ռիսկը այն ներկա կամ ապագա հավանականությունն է, որ տոկոսադրույքի մակարդակի անբարենպաստ փոփոխությունը կարող է բացասական հետևանք ունենալ հաճախորդի շահույթի վրա:

Արտարժութային ռիսկ
Արտարժութային ռիսկը այն ներկա կամ ապագա հավանականությունն է, որ արտարժույթի փոխարժեքի տատանումները կարող են բացասական հետևանք ունենալ հաճախորդի շահույթի վրա:

Գործառնական ռիսկ
Գործառնական ռիսկը համարվում է ոչ համապատասխան կամ սխալ ներքին գործընթացների, մարդկային գործոնի, համակարգերի և արտաքին միջավայրի ազդեցության հետևանքով առաջացած ուղղակի կամ անուղղակի կորուստը:

Իրացվելիության ռիսկ
Այն հավանականություն, որ արժեթուղթը հնարավոր չլինի վաճառել ցանկացած պահին կամ վաճառել այնպիսի գնով, որը ոչ էականորեն կտարբերվի այդ արժեթղթերով կատարված վերջին գործարքների միջին շուկայական գներից:

Սնանկության ռիսկ
Արժեթուղթ թողարկողի անվճարունակություն հավանականություն է:

Ալյ ռիսկեր
Փողերի լվացման, մրցակցության, իրավական և այլն:

Հաճախորդների գործարքների իրականացման պատվերների և հանձնարարակաների ընդունման և կատարման մասին

Ներդրումային ծառայությունները մատուցվում են ընկերության և հաճախորդի միջև կնքված գրավոր պայմանագրի և հաճախորդի կողմից ներկայացված պատվերի (հայտի) հիման վրա: Պատվերը ներկայացվում է առձեռն կամ էլեկտրոնային կապի միջոցով:

Արտաբորսայական գործարքներն կատարվում են արժեթղթերի շուկան կարգավորող ՀՀ օրենսդրության և Ընկերության ու հաճախորդի միջև կնքված պայմանագրերի պայմանների համաձայն, իսկ Ֆոնդային բորսաներում` ֆոնդային բորսայի կողմից սահմանված կանոններին համապատասխան:

Յուրաքանչյուր հաճախորդի համար հաշվառումը և գործարքների կատարումը իրականացվում է առանձնացված հաշիվներով:

Գործարքների իրականացման վայրը`

Գործարքների իրականացման վայրը կարող է լինել ֆոնդային բորսան, այլ կարգավորվող շուկա կամ չկարգավորվող շուկա` կախված ներդրողի պատվերից:

Շահերի բախման քաղաքականության վերաբերյալ

Ընկերությունը, գիտակցելով շահերի բախման կանխարգելման կարևորությունը, իրականացնում է համալիր միջոցառումներ, որոնք ուղղված են ընկերության, նրա սեփականատերերի, ղեկավարների և աշխատակիցների շահերի պաշտպանությանը: Ընկերությունը շահերի բախումից խուսափելու նպատակով իր աշխատակիցների համար սահմանել է որոշակի կանոններ և նորմեր, որոնք սահմանված են Ընկերության շահերի բախման կանխարգելման և կարգավորման միջոցառումների կարգում, որը մշակված է ՀՀ օրենսդրությանը համաձայն:

Մատուցվող ծառայություններից օգտվելու համար անհրաժեշտ է ներկայացնել հետևյալ փաստաթղթերը

ֆիզիկական անձ լինելու դեպքում ներկայացվում է`

• անձնագրի պատճենը (ներկայացնելով բնօրինակը համեմատելու համար),
• անհրաժեշտության դեպքում` սոցիալական քարտը և այլ փաստաթղթեր ու տեղեկություններ: իրավաբանական անձ լինելու դեպքում ներկայացվում է
• կանոնադրության, պետական ռեգիստրի վկայականի պատճենները (ներկայացնելով բնօրինակները, համեմատելու համար), իսկ անհրաժեշտության դեպքում այլ փաստաթղթեր ու տեղեկություններ,
• իրավաբանական անձի լիազորված ներկայացուցիչների ստորագրության նմուշները (նոտարական վավերացմամբ),
• իրավաբանական անձի անունից հանձնարարականները ներկայացնելու, ինչպես նաև հաշվետվությունները և քաղվածքները ստանալու իրավասություն ունեցող անձի լիազորությունը հաստատող փաստաթուղթը:

ՈՒՇԱԴՐՈՒԹՅՈՒՆ. ներդրողի պատվերում նշված պայմաններով գործարքների կատարման դեպքում արժեթղթերում ներդրման հետ կապված ՌԻՍԿԸ ԿՐՈւՄ Է ՆԵՐԴՐՈՂԸ: Ընկերությունը ՉԻ ՓՈԽՀԱՏՈւՑԵԼՈւ ներդրողի վնասները, եթե դրանք չեն պատճառվել ընկերության կողմից անբարեխիղճ վարքագծի արդյունքում